Въ си же времена Новъгородьстии людие, рекомии СловЬне, и Кривичи, и Меря, и Чюдь дань даяху Варягомъ оть мужа по бЬлЬи вЬверици; а иже бяху у нихъ, то ти насилие дЬяху СловЬномъ и Кривичемъ и Мери и Чюди. И въсташа СловЬне и Кривичи и Меря и Чюдь на Варягы, и изгънаша я за море, и начаша владЬти сами собЬ. СловЬне свою волость имяху; и поставиша градъ и нарекоша и Новъгородъ, и посадиша старЬишину Гостомысла, а Кривичи свою, а Меря свою, а Чюдь свою. И въсташа сами на ся воевать, и бысть межю ими рать велика и усобица. И въсташа градъ на градъ, и не бЬ въ нихъ правьды...
